मच्छीमार बंधू भगिनीसाठी समुद्री शेवाळ पालन कार्यक्रम कोंड करूळ, गुहागर येथे  संपन्न

गुहागर :  रिलायन्स फाऊंडेशन, जलजीविका संस्था व सहाय्यक आयुक्त मत्स्यव्यवसाय,रत्नागिरी यांच्या संयुक्त विद्यमाने “समुद्री शेवाळ पालन” विषयी मार्गदर्शन कोंड करूळ येथील मच्छिमार बंधू आणि भगिनींसाठी  घेण्यात आले. सदर कार्यक्रमामध्ये रिलायन्स फाउंडेशन मार्फत देण्यात येणाऱ्या सागरी हवामानाची माहिती, संभाव्य मत्स्य साठा क्षेत्र, इत्यादी माहिती देण्यात आली.

जलजीविका संस्थेमार्फत मच्छिमार बंधूंसाठी समुद्री शेवाळाचे महत्व, समुद्री शेवाळ संवर्धनातून व्यवसायाच्या संधी , समुद्री शेवाळाचे व्यवस्थापन, राफ्ट बांधिनीचे प्रात्यक्षिक राज पवार व श्रुष्टि सुर्वे जलजीविका यांनी दाखवले.जलजीविकेचे प्रकल्प व्यवस्थापक श्री चिन्मय दामले यांनी समुद्री शैवाल शेतीमुळे स्थानिक समुदायासाठी रोजगार निर्माण होऊन स्थानिक पातळीवर आर्थिक प्रगती साधता येते असे मच्छिमार बंधूना मार्गदर्शन केले .

सहाय्यक आयुक्त मत्स्यव्यवसाय विभाग, गुहागर तालुक्याचे  परवाना अधिकारी श्री स्वप्नील चव्हाण यांनी मच्छिमार बांधवाना समुद्री शेवाळाची माहिती घेऊन आपल्या क्षमतेनुसार प्रकल्प राबवण्याचा प्रयत्न करावा, तसेच विभागाच्या अन्य योजना व पावसाळी मासेमारीचे बंदीचे महत्व याबाबत माहिती दिली. तसेच जास्तीत जास्त मासेमारांनी अपघात गट विमा व NFDB पोर्टलवरील नोंदणी सागरमित्रांच्या माध्यमातून करून घेण्याचे आव्हाहन केले.

रिलायन्स फाउंडेशनचे जिल्हा व्यवस्थापक श्री राजेश कांबळे यांनी मच्छिमार बंधूना समुद्री शेवाळ जोड धंदा म्हणून कसा उपयुक्त आहे याची माहिती दिली तसेच सगळी शेवाळ शेतीसाठी लागणारे सर्व तांत्रिक मार्गदर्शन जलजीविका व मत्स्यव्यवसाय विभागामार्फ़त देण्यात येतील याची सूचना दिली

सदर कार्य्रक्रमास जलजिवीकेचे प्रकल्प व्यवस्थापक चिन्मय दामले, प्रकल्प समन्वयक श्री राज पवार, सृष्टी सुर्वे , सागरी पर्यवेक्षक विनायक शिंदे, सागरमित्र, सुरक्षा रक्षक तसेच रिलायन्स फाउंडेशनचे कार्य्रक्रम सहायक गौरव जाधव व कोंड करूळ गावातील मच्छिमार बंधू आणि भगिनी उपास्थित होते.